
Singing Panoy loi pai loi ma song from Lao Language G1 first lesson
ການຝຶກອົບຮົມຄັ້ງໃໝ່ຈະກຽມຄວາມພ້ອມໃຫ້ແກ່ ຜູ້ໃຫ້ການຊ່ວຍເຫຼືອຄູໃນຂັ້ນໂຮງຮຽນ 1.100 ຄົນເພື່ອແນະນຳຄູໃນການສອນວິຊາພາສາລາວ, ການສອນຫ້ອງຄວບ, ການສົ່ງເສີມການສຶກສາຮຽນຮ່ວມ ແລະ ການແຕ່ງບົດສອນສໍາລັບສົກຮຽນໃໝ່
ໃນລະຫວ່າງວັນທີ 04 ຫາ 29 ສິງຫາ ນີ້, ກະຊວງສຶກສາທິການ ແລະ ກິລາ ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ ໂດຍຜ່ານແຜນງານການປັບປຸງຄຸນນະພາບ ແລະ ຂະຫຍາຍໂອກາດເຂົ້າຮຽນ ສຳລັບການສຶກສາຂັ້ນພື້ນຖານ ໃນ ສປປ ລາວ (ແຜນງານບີຄວາ) ໄດ້ດຳເນີນການຝຶກອົບຮົມຮອບທີ 6 ໃຫ້ແກ່ຜູ້ເຮັດວຽກສຶກສານິເທດພາຍໃນສຳລັບ 30 ເມືອງ ເປົ້າໝາຍຂອງແຜນງານບີຄວາ.
ລະບົບ ຜູ້ເຮັດວຽກສຶກສານິເທດພາຍໃນ ໄດ້ຖືກສ້າງຂຶ້ນໃນປີ 2023 ເພື່ອຮັບປະກັນວ່າ ຄູສອນຊັ້ນປະຖົມສຶກສາ, ໂດຍສະເພາະຜູ້ທີ່ຢຸ່ໃນເຂດຫ່າງໄກ ແລະ ຜູ້ດ້ອຍໂອກາດ ຈະໄດ້ຮັບການຊ່ວຍເຫຼືອຢ່າງເປັນປົກກະຕິ ດ້ານວິຊາການ ແລະ ເປັນລະບົບແບບເພື່ອນ-ຊ່ວຍ-ເພື່ອນ ຕະຫຼອດສົກຮຽນ. ລະບົບນີ້ສ້າງຕັ້ງຂຶ້ນໂດຍ ສສກ ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ, ລະບົບດັ່ງກ່າວໄດ້ໃຫ້ບູລິມະສິດແກ່ຄູສອນທີ່ມີປະສົບການ ແລະ ຜູ້ອຳນວຍການໂຮງຮຽນ ເພື່ອເຮັດໜ້າທີ່ເປັນຄູຝຶກ ແລະ ຜູ້ໃຫ້ຄຳແນະນຳການສອນໃນໂຮງຮຽນ. ຜູ້ເຮັດວຽກສຶກສານິເທດພາຍໃນ ຈະຊ່ວຍໃຫ້ເພື່ອນຮ່ວມງານປັບປຸງການປະຕິບັດການສິດສອນຂອງເຂົາເຈົ້າໂດຍການນຳພາການພັດທະນາວິຊາຊີບຄູແບບຕໍ່ເນື່ອງ ຜ່ານການໃຫ້ຄໍາແນະນໍາຢ່າງເປັນປົກກະຕິ, ການສັງເກດການສອນ, ການສອນເປັນຄູ່, ການໃຫ້ຄໍາຄິດຄໍາເຫັນ ແລະ ການຕິດຕາມການປະຕິບັດຄໍາແນະນໍາ. ໃນເບື້ອງຕົ້ນລະບົບດັ່ງກ່າວມີຢູ່ 30 ເມືອງເປົ້າໝາຍ ໃນ 7 ແຂວງທີ່ໄດ້ຮັບການສະໜັບສະໜູນຈາກ ແຜນງານບີຄວາ ຄື: ຜົ້ງສາລີ, ຫຼວງນ້ຳທາ, ບໍ່ແກ້ວ, ຫົວພັນ, ຊຽງຂວາງ, ຄຳມ່ວນ ແລະ ສະຫວັນນະເຂດ. ຍ້ອນເຫັນໄດ້ເຖິງຄວາມສຳຄັນ ແລະ ອີງໃສຜົນໄດ້ຮັບຈາກການປະຕິບັດວຽກງານດັ່ງກ່າວ, ສສກ ຈິ່ງໄດ້ມີແຜນຂະຫຍາຍໄປແຂວງອື່ນໆຕື່ມອີກ.
ຜູ້ເຮັດວຽກສຶກສານິເທດພາຍໃນ ຫຼາຍກວ່າ 1.126 ຄົນ (ໃນນັ້ນ ເພດຍິງ 53% ແລະ 47% ເປັນຄົນຊົນເຜົ່າ) ເປັນຄູສອນທີ່ມີປະສົບການ ແລະ ເປັນຜູ້ອໍານວຍການທີ່ໄດ້ຮັບການຄັດເລືອກ ທີ່ມີຄວາມມຸ່ງໝັ້ນໃນການຊ່ວຍເຫຼືອຄູດ້ວຍກັນ, ໄດ້ເຂົ້າຮ່ວມການຝຶກອົບຮົມຢູ່ຫ້ອງການສຶກສາທິການ ແລະ ກິລາເມືອງ (ສກມ) ຂອງເຂົາເຈົ້າ. ການຝຶກອົບຮົມແມ່ນໄດ້ຮັບການບັນຍາຍຈາກ ວິຊາການ 100 ກວ່າຄົນຈາກວິທະຍາໄລຄູ (ວຄ) ຫຼວງນໍ້າທາ, ຄັງໄຂ ແລະ ສະຫວັນນະເຂດ, ໂດຍມີ ສກມ 30 ເມືອງເປົ້າໝາຍ ອຳນວຍຄວາມສະດວກດ້ານສະຖານທີ່ ແລະ ອຸປະກອນການຝຶກອົບຮົມ.
ໃນລະຫວ່າງວັນທີ 04 ຫາ 29 ສິງຫາ ນີ້, ກະຊວງສຶກສາທິການ ແລະ ກິລາ ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ ໂດຍຜ່ານແຜນງານການປັບປຸງຄຸນນະພາບ ແລະ ຂະຫຍາຍໂອກາດເຂົ້າຮຽນ ສຳລັບການສຶກສາຂັ້ນພື້ນຖານ ໃນ ສປປ ລາວ (ແຜນງານບີຄວາ) ໄດ້ດຳເນີນການຝຶກອົບຮົມຮອບທີ 6 ໃຫ້ແກ່ຜູ້ເຮັດວຽກສຶກສານິເທດພາຍໃນສຳລັບ 30 ເມືອງ ເປົ້າໝາຍຂອງແຜນງານບີຄວາ.
ລະບົບ ຜູ້ເຮັດວຽກສຶກສານິເທດພາຍໃນ ໄດ້ຖືກສ້າງຂຶ້ນໃນປີ 2023 ເພື່ອຮັບປະກັນວ່າ ຄູສອນຊັ້ນປະຖົມສຶກສາ, ໂດຍສະເພາະຜູ້ທີ່ຢຸ່ໃນເຂດຫ່າງໄກ ແລະ ຜູ້ດ້ອຍໂອກາດ ຈະໄດ້ຮັບການຊ່ວຍເຫຼືອຢ່າງເປັນປົກກະຕິ ດ້ານວິຊາການ ແລະ ເປັນລະບົບແບບເພື່ອນ-ຊ່ວຍ-ເພື່ອນ ຕະຫຼອດສົກຮຽນ. ລະບົບນີ້ສ້າງຕັ້ງຂຶ້ນໂດຍ ສສກ ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ, ລະບົບດັ່ງກ່າວໄດ້ໃຫ້ບູລິມະສິດແກ່ຄູສອນທີ່ມີປະສົບການ ແລະ ຜູ້ອຳນວຍການໂຮງຮຽນ ເພື່ອເຮັດໜ້າທີ່ເປັນຄູຝຶກ ແລະ ຜູ້ໃຫ້ຄຳແນະນຳການສອນໃນໂຮງຮຽນ. ຜູ້ເຮັດວຽກສຶກສານິເທດພາຍໃນ ຈະຊ່ວຍໃຫ້ເພື່ອນຮ່ວມງານປັບປຸງການປະຕິບັດການສິດສອນຂອງເຂົາເຈົ້າໂດຍການນຳພາການພັດທະນາວິຊາຊີບຄູແບບຕໍ່ເນື່ອງ ຜ່ານການໃຫ້ຄໍາແນະນໍາຢ່າງເປັນປົກກະຕິ, ການສັງເກດການສອນ, ການສອນເປັນຄູ່, ການໃຫ້ຄໍາຄິດຄໍາເຫັນ ແລະ ການຕິດຕາມການປະຕິບັດຄໍາແນະນໍາ. ໃນເບື້ອງຕົ້ນລະບົບດັ່ງກ່າວມີຢູ່ 30 ເມືອງເປົ້າໝາຍ ໃນ 7 ແຂວງທີ່ໄດ້ຮັບການສະໜັບສະໜູນຈາກ ແຜນງານບີຄວາ ຄື: ຜົ້ງສາລີ, ຫຼວງນ້ຳທາ, ບໍ່ແກ້ວ, ຫົວພັນ, ຊຽງຂວາງ, ຄຳມ່ວນ ແລະ ສະຫວັນນະເຂດ. ຍ້ອນເຫັນໄດ້ເຖິງຄວາມສຳຄັນ ແລະ ອີງໃສຜົນໄດ້ຮັບຈາກການປະຕິບັດວຽກງານດັ່ງກ່າວ, ສສກ ຈິ່ງໄດ້ມີແຜນຂະຫຍາຍໄປແຂວງອື່ນໆຕື່ມອີກ.
ຜູ້ເຮັດວຽກສຶກສານິເທດພາຍໃນ ຫຼາຍກວ່າ 1.126 ຄົນ (ໃນນັ້ນ ເພດຍິງ 53% ແລະ 47% ເປັນຄົນຊົນເຜົ່າ) ເປັນຄູສອນທີ່ມີປະສົບການ ແລະ ເປັນຜູ້ອໍານວຍການທີ່ໄດ້ຮັບການຄັດເລືອກ ທີ່ມີຄວາມມຸ່ງໝັ້ນໃນການຊ່ວຍເຫຼືອຄູດ້ວຍກັນ, ໄດ້ເຂົ້າຮ່ວມການຝຶກອົບຮົມຢູ່ຫ້ອງການສຶກສາທິການ ແລະ ກິລາເມືອງ (ສກມ) ຂອງເຂົາເຈົ້າ. ການຝຶກອົບຮົມແມ່ນໄດ້ຮັບການບັນຍາຍຈາກ ວິຊາການ 100 ກວ່າຄົນຈາກວິທະຍາໄລຄູ (ວຄ) ຫຼວງນໍ້າທາ, ຄັງໄຂ ແລະ ສະຫວັນນະເຂດ, ໂດຍມີ ສກມ 30 ເມືອງເປົ້າໝາຍ ອຳນວຍຄວາມສະດວກດ້ານສະຖານທີ່ ແລະ ອຸປະກອນການຝຶກອົບຮົມ.

Micro-teaching session to practice Spoken Lao activities

Micro-teaching session to practice Spoken Lao activities
ທ່ານ ຮສ. ນາງ ວົງເດືອນ ໂອໃສ, ຫົວໜ້າກົມສ້າງຄູ ໄດ້ກ່າວວ່າ: “ກອງປະຊຸມ ຜູ້ເຮັດວຽກສຶກສານິເທດພາຍໃນ ຄັ້ງທີ່ 6 ມີ ຄວາມຄືບໜ້າໃນການຝຶກອົບຮົມໃນຄັ້ງກ່ອນ ແລະ ຕອບສະໜອງຄວາມຕ້ອງການຂອງຄູ. ການຝຶກອົບຮົມຈະຊ່ວຍເຮັດໃຫ້ ຜູ້ເຮັດວຽກສຶກສານິເທດພາຍໃນ ສາມາດຊ່ວຍເຫຼືອຄູໃນການສອນວິຊາພາສາລາວຂັ້ນ ປ.1 ໃຫ້ມີປະສິດທິພາບ, ນຳໃຊ້ວິທີການສອນຫ້ອງຄວບ ແລະ ວາງແຜນການຊ່ວຍເຫຼືອຄູໃນສົກຮຽນ 2025–2026. ພວກເຮົາເນັ້ນໃສ່ການຊ່ວຍເຫຼືອຄູ ກໍຍ້ອນວ່າ ຄູທີ່ມີແຮງຈູງໃຈ ແລະ ໄດ້ຮັບການຝຶກອົບຮົມທີ່ດີ ແມ່ນປັດໄຈຫຼັກຂອງຄວາມສຳເລັດໃນການຮຽນຮູ້ຂອງນັກຮຽນ.”
ການຝຶກອົບຮົມປະກອບມີ 10 ພາກທີ່ສຳຄັນໃນໄລຍະເວລາ 5 ມື້. ເລີ່ມຕົ້ນດ້ວຍການລົງເລິກສຶກສາກ່ຽວກັບວິຊາພາສາລາວຂັ້ນ ປ. 1, ລວມທັງຮຽນຮູ້ກ່ຽວກັບຄວາມສໍາຄັນຂອງຂັ້ນນຳເຂົ້າສູ່ບົດຮຽນ ແລະ ວິທີການນໍາໃຊ້ 7 ຂັ້ນຕອນໃໝ່ສໍາລັບການຮຽນສຽງ ແລະ ຂຽນ ຕົວອັກສອນ ຫຼື ຄຳເວົ້າໃນພາສາລາວ. ຕາມດ້ວຍການຮຽນຮູ້ກ່ຽວກັບສາມພາກຂອງໂມດູນທີ່ກ່ຽວກັບການສອນຫ້ອງຄວບ, ເຊິ່ງ ຜູ້ເຮັດວຽກສຶກສານິເທດພາຍໃນ ຈະຮຽນຮູ້ວິທີການອອກແບບ, ປະຕິບັດ ແລະ ການຊ່ວຍແນະນຳການສອນບົດຮຽນຫ້ອງຄວບສະເພາະ ເຊິ່ງຫ້ອງຄວບແມ່ນມີໃນຫຼາຍໂຮງຮຽນທີ່ຢູ່ຫ່າງໄກຂອງປະເທດລາວ.
ຜູ້ເຂົ້າຮ່ວມຈະໄດ້ສືບຕໍ່ເນັ້ນໃສ່ການຮຽນຮູ້ກ່ຽວກັບ ວິທີການສອນບົດຮຽນຝຶກເວົ້າພາສາລາວ ສະບັບປັບປຸງໃໝ່, ເພື່ອສ້າງໃຫ້ວິທີການສອນ ຊ່ວຍໃຫ້ນັກຮຽນພັດທະນາທັກສະການສື່ສານ ແລະ ເວົ້າພາສາລາວ.
ກອງປະຊຸມຍັງໄດ້ແນະນໍາເຄື່ອງມືການປະເມີນຕົນເອງຂອງຄູ ແລະ ມາດຕະຖານການສອນຊັ້ນປະຖົມສຶກສາ ທີ່ຜູ້ເຮັດວຽກສຶກສານິເທດພາຍໃນ ສາມາດນຳໃຊ້ເພື່ອຊ່ວຍຄູລະບຸຄວາມຕ້ອງການການຮຽນຮູ້ ແລະ ສ້າງແຜນພັດທະນາວິຊາຊີບຄູແບບຕໍ່ເນື່ອງຂອງຕົນ. ກອງປະຊຸມດັ່ງກ່າວໄດ້ສະຫຼຸບໂດຍເນັ້ນໃສ່ການສົ່ງເສີມການສຶກສາຮຽນຮ່ວມ ແລະ ມາດຕະຖານທາງສັງຄົມ, ແກ້ໄຂບັນຫາກ່ຽວກັບຄວາມສະເໝີພາບຍິງ-ຊາຍ, ອາຍຸ ແລະ ການຈັດລໍາດັບຂັ້ນໜ້າທີ່ ທີ່ເປັນອຸປະສັກໃນການເຂົ້າເຖິງ ການພັດທະນາວິຊາຊີບຄູແບບຕໍ່ເນື່ອງ ແລະ ວິທີການສົ່ງເສີມສະພາບແວດລ້ອມທີ່ສົ່ງເສີມການຮຽນຮ່ວມໃນໂຮງຮຽນ. ວາລະສຸດທ້າຍຂອງກອງປະຊຸມໄດ້ແນະນຳໃຫ້ຜູ້ເຮັດວຽກສຶກສານິເທດພາຍໃນ ສ້າງແຜນການຊ່ວຍເຫຼືອຄູຂອງພາກຮຽນທີ I ໃຫ້ສອດຄ່ອງກັບຄວາມຕ້ອງການການຮຽນຮູ້ທີ່ຄູໄດ້ກໍານົດ.
ທ່ານ ນາງ ວາເນັດຊາ ເຮກາທີ, ເລຂາທີເອກ, ສະຖານທູດອົດສະຕຣາລີ ໄດ້ກ່າວວ່າ: “ຄູເປັນໃຈກາງຂອງຄຸນນະພາບການສຶກສາ. ລັດຖະບານອົດສະຕຣາລີ ພູມໃຈທີ່ໄດ້ສະໜັບສະໜູນລະບົບຜູ້ເຮັດວຽກສຶກສານິເທດພາຍໃນ ທີ່ເປັນລະບົບທັນຍຸກສະໄໝຂອງລັດຖະບານລາວ, ເຊິ່ງຮັບປະກັນວ່າ ເຖິງຄູຈະຢູ່ໃນໂຮງຮຽນຫ່າງໄກ ກໍສາມາດໄດ້ຮັບການຊ່ວຍເຫຼືອຢ່າງເປັນປົກກະຕິ ແລະ ມີຄຸນນະພາບສູງ. ລະບົບການຊ່ວຍເຫຼືອຄູທີ່ມີປະສິດທີ່ພາບ ຄືກັບລະບົບຜູ້ເຮັດວຽກສຶກສານິເທດພາຍໃນນີ້ ແມ່ນສຳຄັນຫລາຍທີ່ຈະຊ່ວຍໃຫ້ຄູມີແຮງບັນດານໃຈໃນການສອນ.”

Pair work for plan Multigrade Lao language lesson

Session on lesson preparation
ປີນີ້, ລະບົບ ຜູ້ເຮັດວຽກສຶກສານິເທດພາຍໃນ ຈະໄດ້ຮັບການເສີມຂະຫຍາຍຕື່ມ ດ້ວຍການຝຶກອົບຮົມ ຜູ້ເຮັດວຽກສຶກສານິເທດພາຍນອກ ຈຳນວນ 141 ຄົນຈາກ ສກມ 30 ເມືອງ, ເພື່ອຮັບປະກັນການໃຫ້ການຊ່ວຍເຫຼືອຄູໄດ້ຢ່າງສົມບູນແບບ ແລະ ຫຼາຍລະດັບຕະຫຼອດສົກຮຽນ.
ຄູຝຶກທ່ານໜຶ່ງຈາກ ວຄ ໄດ້ກ່າວວ່າ: “ໃນການຝຶກອົບຮົມນີ້, ພວກເຮົາເນັ້ນໃສ່ວິທີການປະຕິບັດ. ຕົວຢ່າງ: ຜູ້ເຮັດວຽກສຶກສານິເທດພາຍໃນ ທີ່ເຂົ້າຮ່ວມຈະໄດ້ສ້າງແຜນການສອນຫ້ອງຄວບ, ເບິ່ງວິດີໂອສຳລັບການພັດທະນາຄູທີ່ກ່ຽວກັບການສອນບົດຮຽນວິຊາພາສາລາວ ແລະ ສາລະຄະດີຄູຕົວແບບຕອນການສອນຫ້ອງຄວບ ພ້ອມທັງທົດລອງການນໍາໃຊ້ເຄື່ອງມືປະເມີນຕົນເອງຂອງຄູ. ເປັນການຝຶກອົບຮົມທີ່ປະຕິບັດຕົວຈິງ, ມີການປະກອບສ່ວນ ແລະ ກ່ຽວຂ້ອງໂດຍກົງກັບກິດຈະກໍາຕ່າງໆໃນຫ້ອງຮຽນ. ບັນດາກິດຈະກຳທີ່ນຳມາປະຕິບັດ ບໍ່ພຽງແຕ່ສ້າງທັກສະໃຫ້ແກ່ຜູ້ເຂົ້າຮ່ວມ, ແຕ່ຍັງສົ່ງເສີມການຮ່ວມມື ແລະ ການສ້າງຄວາມໝັ້ນໃຈ.”
ໃນສົກຮຽນ 2024-2025, ທີມງານ ຜູ້ເຮັດວຽກສຶກສານິເທດພາຍໃນ ໄດ້ຈັດກິດຈະກໍາ ການພັດທະນາວິຊາຊີບຄູແບບຕໍ່ເນື່ອງ ໃຫ້ແກ່ຄູ 41.774 ຄົນ, ຊ່ວຍສົ່ງເສີມການສອນຫຼັກສູດຊັ້ນປະຖົມສຶກສາສະບັບປັບປຸງໃນຫ້ອງຮຽນ ແລະ ປັບປຸງເງື່ອນໄຂການຮຽນຂອງເດັກນ້ອຍໃນເຂດດ້ອຍໂອກາດ.
ທ່ານ ນາງ ວາເນັດຊາ ເຮກາທີ ໄດ້ກ່າວສະຫຼຸບໃນຕອນທ້າຍວ່າ: “ໂດຍການຊ່ວຍໃຫ້ຄູຮູ້ສຶກໝັ້ນໃຈວ່າໄດ້ຮັບການຊ່ວຍເຫຼືອ, ເຫັນຄວາມສຳຄັນ ແລະ ມີຄວາມພ້ອມໃນແກ້ໄຂສິ່ງທ້າທາຍທີ່ໄດ້ພົບຕົວຈິງໃນຫ້ອງຮຽນ, ການລິເລີ່ມນີ້ແມ່ນຈະສົ່ງຜົນໂດຍກົງຕໍ່ການຮຽນການສອນທີ່ດີຂຶ້ນເພື່ອນັກຮຽນໃນ ສປປ ລາວ.”