ການຕິດຕາມກວດກາ, ປະເມີນຜົນ ແລະ ການຖອດຖອນບົດຮຽນ (MEL) ຂອງແຜນງານບີຄວາ ແມ່ນວິທີການທີ່ມີການປຶກສາຫາລື, ການມີສ່ວນຮ່ວມ ແລະ ໄດ້ຮັບການອອກແບບ ເພື່ອສະໜັບສະໜູນການປັບປຸງຢ່າງຕໍ່ເນື່ອງ. ລະບົບ MEL ຈະຕິດຕາມການຈັດຕັ້ງປະຕິບັດກິດຈະກຳ, ປະສິດທິຜົນ ແລະ ຜົນກະທົບຂອງການດຳເນີນງານຂອງແຜນງານ ພ້ອມທັງໃຊ້ຫຼັກຖານ ເພື່ອເສີມສ້າງໃນການຕັດສິນໃຈ, ຄວາມຮັບຜິດຊອບ ແລະ ການຮຽນຮູ້ທົ່ວທັງໂຄງການ.

ຈຸດປະສົງຂອງກິດຈະກຳ MEL ຂອງແຜນງານບີຄວາ ແມ່ນເພື່ອ:

• ສະແດງໃຫ້ເຫັນເຖິງຄວາມຮັບຜິດຊອບຕໍ່ຄູ່ຮ່ວມພັດທະນາ ແລະ ພາກສ່ວນທີ່ກ່ຽວຂ້ອງ ໃນການຕິດຕາມການຈັດຕັ້ງປະຕິບັດກິດຈະກຳທີ່ວາງໄວ້, ຄຸນນະພາບ ແລະ ປະສິດທິຜົນຂອງກິດຈະກຳ ແລະ ຜົນໄດຮັບ, ພ້ອມທັງຄວາມຄືບໜ້າໃນການບັນລຸຜົນໄດ້ຮັບ.ສະໜັບສະໜູນການຄຸ້ມຄອງແບບດັດປັດ ແລະ ປັບປຸງການປະຕິບັດງານ ດ້ວຍການຕິດຕາມຄວາມຄືບໜ້າການຈັດຕັ້ງປະຕິບັດ ແລະ ນຳໃຊ້ຂໍ້ມູນປະຈັກຕາ ເພື່ອລະບຸຊ່ອງວ່າງ, ຄວາມສ່ຽງ ແລະ ຂົງເຂດທີ່ຕ້ອງປັບປຸງ.
• ຖອດຖອນບົດຮຽນ ແລະ ແບ່ງປັນຄວາມຮູ້ ກ່ຽວກັບວຽກທີ່ປະຕິບັດສຳເລັດ ແລະ ວຽກທີ່ຍັງຕ້ອງໄດ້ມີການປັບປຸງ, ລວມທັງເງື່ອນໄຂຕ່າງໆ ໂດຍຜ່ານກອງປະຊຸມຢັ້ງຢືນຂໍ້ມູນ ແລະ ສະທ້ອນຄືນ, ຄຽງຄູ່ກັບການເຜີຍແຜ່ຜົນໄດ້ຮັບຈາກການສຶກສາຄົ້ນຄວ້າ ແລະ ການປະເມີນຜົນ ຮ່ວມກັບພາກສ່ວນກ່ຽວຂ້ອງຕ່າງໆ.
• ໃຫ້ຂໍ້ມູນກ່ຽວກັບວິທີການທີ່ສາມາດຈັດຕັ້ງປະຕິບັດໃນຮູບແບບດຽວກັນໃນສະຖານທີ່ຕ່າງກັນ ແລະ ຂະຫຍາຍການຈັດຕັ້ງປະຕິບັດໃນວົງກວ້າງ ໂດຍຜ່ານການຕິດຕາມກວດກາ, ປະເມີນຜົນ ແລະ ຜ່ານທາງໂຄງການທົດລອງຕ່າງໆ..
• ເສີມສ້າງຂີດຄວາມສາມາດຂອງຄູ່ຮ່ວມງານພາກລັດ ກ່ຽວກັບວຽກງານ MEL ຜ່ານການຕິດຕາມກວດກາ ແລະ ຜ່ານການຝຶກຝົນຈາກການປະຕິບັດໜ້າວຽກ ສົມທັບກັບການສະໜັບສະໜູນເຄືອຄ່າຍ M&E ຂອງກະຊວງສຶກສາທິການ ແລະ ກິລາ. ນອກຈາກນີ້, ແຜນງານບີຄວາ ຍັງຈະໃຫ້ການສະໜັບສະໜູນກະຊວງສຶກສາທິການ ແລະ ກິລາ ໃນການທົບທວນຄືນ ແລະ ປັບປຸງການຕິດຕາມກວດກາ ແຜນການຈັດຕັ້ງປະຕິບັດສຳລັບຫຼັກສູດຊັ້ນປະຖົມສຶກສາສະບັບປັບປຸງໃໝ່ ແລະ ລະບົບ CPD ໃນບັນດາເມືອງເປົ້າໝາຍ.

ລະບົບ MEL ຂອງແຜນງານບີຄວາ ແມ່ນມີຄວາມຍືດຍຸ່ນ ແລະ ສາມາດດັດປັບໄດ້ ເພື່ອຕອບສະໜອງຕາມບຸລິມະສິດ ແລະ ດ້ານການຈັດຕັ້ງປະຕິບັດທີ່ເກີດຂຶ້ນ ແລະ ຕາມຄວາມຫຼາກຫຼາຍຂອງກິດຈະກຳຂອງແຜນງານ. ລະບົບ MEL ແມ່ນອອກແບບມາເພື່ອໃຫ້ເໝາະສົມກັບຈຸດປະສົງ ແລະ ສາມາດນໍາໃຊ້ໄດ້ງ່າຍ ເພື່ອຮັບປະກັນວ່າພາກສ່ວນທີ່ກ່ຽວຂ້ອງສາມາດເຂົ້າເຖິງຂໍ້ມູນ ແລະ ຫຼັກຖານທີ່ກ່ຽວຂ້ອງທີ່ເຫັນໄດ້ປະຈັກຕາ ເພື່ອໃຊ້ໃນການຕັດສິນໃຈ. MEL ສະໜັບສະໜູນການຮຽນຮູ້ຮ່ວມກັນ ແລະ ການປັບປຸງຢ່າງຕໍ່ເນື່ອງພາຍໃນແຜນງານບີຄວາ ແລະ ຄູ່ຮ່ວມງານທີ່ຈັດຕັ້ງປະຕິບັດຮ່ວມກັນ, ປະກອບສ່ວນໃນການສ້າງຄວາມເຂົ້າໃຈຮ່ວມກັນກ່ຽວກັບແນວທາງໃນການບັນລຸເປົ້າໝາຍທີ່ຍືນຍົງ.